Qeyd edək ki, Lənkəran şəhər 8 saylı orta məktəbdə Vüsalə adlı müəllimənin 6-ci sinif şagirdi Arzu Ağayevanı döyməsi barədə məlumat yayılıb. Şagirdin atası Şahin Ağayev bildirib ki, müəllimin silləsi nəticəsində qızının qulaq pərdəsi partlayib, sırğası itib. 

Məktəb direktorunun sözlərinə görə, Vüsalə müəllimə tənbeh edilib: "Müəllimənin xarakterində problemlər ola bilər. Şagird müəlliməyə söz qaytarıb. O da qızın qulağını dartıb. Hər gün müəllimlərə tapşırıram ki, şagirdlərlə düzgün rəftar edin, onlara əl qaldırmayın. Amma hərdən belə hadisələr də olur”. 

Şagirdin atası Şahin Ağayev bildirib ki, övladı hadisəni ona düzgün başa salmayıb: "Hüzrümüz düşmüşdü, əsəbi idim. Bir yandan da qızım döyülməsi barədə şikayət elədi. Vüsalə müəllimənin də kobudluğu olub. Uşağın qulağına sillə ilə yox, xətkeşlə vurub. İtən sırğası da tapılıb. Məktəb direktoru ilə danışdıq, məsələni yoluna qoyduq”.