"Oğru aləmi”ndə "Rövşən Lənkəranski” kimi tanınan Rövşən Canıyevin Qafqaz Müsəlmanları İdarəsinin (QMİ) sədri Allahşükür Paşazadə ilə əlaqələrinə dair mətbuatda iddialar yer alıb. Bu haqda avropa.info xəbər yayıb.

Məlumatda qeyd olunur ki, "Rövşən Lənkəranski”nin  Azərbaycanda  çox məşhur olan bir məmur-oliqarxla dostluq və biznes əlaqələri də var: "Lənkəranskinin dostluq münasibətində olduğu tanınmışlardan biri də Allahşükür Paşazadədir. Şeyxin həmyerlisi olan ”Rövşən Lənkəranski" ilə biznes əlaqələrinin olduğu da bildirilir. Qeyd edək ki, bir neçə il öncə "Rövşən Lənkəranski”  silah saxlama və başqa bir neçə maddə ilə həbs olunsa da "cinayətkar aləmin” təəccüblə qarşıladığı bir hadisə baş verib. Belə ki, məhkəmə Caniyevə  bəraət verərək onu həbsdən azad etdi. Bu, Azərbaycanda "cinayətkar aləmin” təcrübəsində görünməmiş hadisə idi. Aldığımız  məlumata görə, "Rövşən Lənkəranski” həbs olunan zaman onun buraxılması üçün xahiş edənlərdən də biri hörmətli Şeyx olub".