Reanimasiyaya yerləşdirilən və vəziyyəti ağır olan sürücünün həyati təhlükəsi davam edir

Türkiyə Tekirdağ vilayətinin Çorlu rayonunda qeyri-adi yol nəqliyyat hadisəsi baş verib. Məlumata görə, şəhər istiqamətində hərəkətdə olan minik avtomobili magistral yolda ata çırpılıb. Toqquşmanın təsiri ilə avtomobilin qabaq şüşəsindən içəriyə girən at arxa şüşədən bayıra çıxıb. Qəza nəticəsində avtomobilin sürücüsü ağır xəsarət alaraq xəstəxanaya çatdırılıb. Xəstəxanadan verilən məlumata görə, reanimasiyaya yerləşdirilən və vəziyyəti ağır olan yaralının həyati təhlükəsi davam edir.