Ziyadxan Məmmədov adlı müəllim həm də məktəbdə direktor müavini imiş...

Youtube sosial şəbəkəsində Sumqayıt şəhərindəki 17 saylı məktəb-liseydə şagirdlərin döyülməsini əks etdirən video görüntülər yayımlanıb. Görüntüdən məlum olur ki, 5 məktəbli lövhənin qarşısında adının Ziyadxan olduğu ehtimal olunan müəllim tərəfindən döyülür.

 Təhsil Nazirliyinin mətbuat xidmətinin rəhbəri Bayram Hüseynzadə açıqlama verib. O bildirib ki, məlum hadisə ilə bağlı bu gün Təhsil Nazirliyi araşdırma aparıb. 

"Biz bu görüntüləri internetdə görəndə, Təhsil Nazirliyi olaraq tapşırıq verdik ki, Sumqayıt Təhsil Şöbəsində araşdırma aparılsın. Məlum oldu ki, bu, ötən ilin oktyabr ayında olan bir hadisədir. 
Həmin müəllim Ziyadxan Məmmədov məktəbdə direktor müavini idi. O, artıq həm öz vəzifəsindən azad olunub, həm də məktəbdən kənarlaşdırılıb”. 

Qeyd edək ki, keçən ay Ağstafa rayonunun orta məktəblərindən birində də şagirdlərin döyülməsini əks etdirən videogörüntü  yayımlanmışdı.