Pakistanda "Taliban" döyüşçüləri tərəfindən əsir götürülən əfqan əsgərin vəhşicəsinə döyülməsi kadrları əfqan xalqının kəskin etirazına səbəb olub. 

Təxminən 1 ay əvvəl Pakistanın Sobha-Sərhad bölgəsində çəkildiyi iddia edilən videogörüntüdə əfqan əsgərin bir evin həyətinə gətirilərək, "Taliban" üzvləri tərəfindən qamçılanması görünür.

Əlləri qandallı və bir ayağı zəncirli olan əfqan əsgərinin "vurmayın" fəryadlarına baxmayaraq, əsgər dəfələrlə qamçılanır və döyülür. "Taliban" döyüşçülərinin isə işgəncəni daha da artıraraq, qəhqəhə çəkdikləri əksini tapıb.