Bu gecə Türkiyədən Bakıya gələn təyyarələr mənzil başına bir saatdan çox gecikmə ilə çatıblar.Heydər Əliyev Beynəlxalq Hava Limanından verilən xəbərə görə, AZAL şirkətinə məxsus 090 nömrəli İstanbul-Bakı/Sabiha Gökçen aviareysi yerli vaxtla gecə saat 1:40-da eniş etməli idi, lakin 2:35-də Heydər Əliyev Beynəlxalq Hava Limanına çatıb.
Bundan əlavə, Türk Hava Yollarına məxsus 336 nömrəli təyyarə isə yerli vaxtla saat 3:15-də enməli olduğu halda, bu, 4:55-də baş tutub. Həmçinin AZAL şirkətinə məxsus 078 nömrəli İstanbul-Bakı (Atatürk Hava Limanı) aviareysi ilə hərəkət edən təyyarə yerli vaxtla saat 3:30-da, Türk Hava Yollarına məxsus 338 nömrəli təyyarə isə saat 5:55-də gəlməli idi. Lakin hava nəqliyyat vasitələri müvafiq olaraq səhər saat 6:00-da və 7:05-də mənzil başına çatıblar.
AZAL-dan bildirilib ki, gecikmələrin səbəbi son günlər Türkiyədə hökm sürən qarlı və şaxtalı hava şəraiti ilə bağlıdır.
