Türkiyənin Elazığ vilayətində sərnişin qatarı yük qatarı ilə toqquşub. Nəticədə səkkiz nəfər xəsarət alıb.
Trend-in məlumatına görə, bu barədə bazar ertəsi CNN Turk telekanalı xəbər yayıb.
Bildirilir ki, sərnişin qatarı Adana şəhərindən Elazığa gedirmiş. Zərərçəkənlər yaxınlıqdakı xəstəxanalara çatdırılıblar. Onlardan bəzilərinin vəziyyəti ağır qiymətləndirilir.
Telekanalın məlumatına görə, faktla bağlı təhqiqata başlanılıb.
