Polisin cavab atəşi açması ilə terrorçular hadisə yerindən qaçıblar

Türkiyənin Mardin vilayətində polisin ölümü ilə nəticələnən terror hadisəsi meydana gəlib. Hadisə yerli vaxtla saat 19.00-da (Bakı vaxtı ilə 21.00) Mardin dövlət xəstəxanasının qarşısında növbə dəyişikliyi vaxtı baş verib. Məlumata görə, 3 PKK terrorçusu silahla polislərə hücum edib. İnsident vaxtı ağır yaralanan 37 yaşlı polis xəstəxanaya çatdırılsa da, onun həyaını xilas etmək mümkün olmayıb. Polislərin cavab atəşi açması ilə terrorçular hadisə yerindən qaçıblar. Qaçan terrorçuların ələ keçirilməsi üçün bölgədə hərbi əməliyyatlar davam edir.