Yaşar Əliyevin idarəsində maaş böhranı - 9 January 2013

Daxili İşlər Nazirliyinin Baş Mühafizə İdarəsinin Səbail Rayon Mühafizə İdarəsində çalışan polis əməkdaşlarının əmək haqlarının verilməsində gecikdirmələr yaranıb. Bu barədə məlumatı Moderator.az-a Səbail Rayon Mühafizə İdarəsinin adının çəkilməsini istəməyən zabitlərindən biri verib. Məlumatda qeyd olunur ki, son bir neçə ay ərzində əmək haqlarının verilıməsində ciddi ləngimələr olur. Hətta son iki ay ərzində maaşlar 20 gün gecikdirilib. Polis zabiti bildirib ki, Mühafizə Polisində çalışan əməkdaşları yeni il ərəfəsində maaş gözləsələr də bu gözləntiləri özünü döğrültmayıb: "Rəhbərlik yeni il bayramına qədər maaşların köçürülməsinə vəd versə də ancaq bu olmadı. Polislər Yeni İl bayramını maaş almadan qarşıladılar”.