Dekabrın 27-də Bakı şəhərinin Xəzər rayonu ərazisində ölümlə nəticələnən yol-nəqliyyat hadisəsi baş verib. Rayon Polis İdarəsindən Azeri-Xeber.ucoz.com-a verilən məlumata görə, Bakı-Mərdəkan yolunda Əmrah Məmmədovun idarə etdiyi "Mercedes” markalı avtomobil yolu keçən 1956-cı il təvəllüdlü Nədimə Məmmədovanı vurub. Qadın ağır bədən xəsarətləri alıb və xəstəxanaya aparılarkən yolda ölüb.
Bu gün Bakı şəhərinin Binəqədi rayonunda bədbəxt hadisə baş verib. Rayon Polis İdarəsindən Lent.az-a verilən məlumata görə, Binəqədi qəsəbəsində 1981-ci il təvəllüdlü Mirzəliyev İsmayıl Şakir oğlu dəm qazından boğulub. Onun meyiti yaşadığı mənzilin hamam otağından tapılıb.
Faktla əlaqədar müvafiq ekspertizalar təyin edilib, araşdırmalar aparılır.
İranın Səbzivar şəhərinin 45 kilometrliyində yerli vaxtla saat 01:45-də avtobus qəzaya uğrayıb. "Fars” xəbər agentliyinin məlumatına görə, bu barədə Xorasan-Rəzəvi vilayətinin Polis İdarəsinin rəisi Bəhmən Əmiri Müqəddəm açıqlama verib. O bildirib ki, Tehrandan Taybad şəhərinə yola düşən avtobusda 21 sərnişin olub: "Yol sürüşkən olduğu üçün sürücü idarəetməni itirib və qəza baş verib. Hadisə nəticəsində 10 nəfər yaralanıb, 6 nəfər ölüb”
Şahidlərin Trend-ə verdiyi məlumata görə, "Avropa" hotelinin yaxınlığındakı evin damında bu saatlarda yanğın başlayıb.
Nəsimi rayon Yanğından Mühafizə Xidmətindən Trend-ə bildirilib ki, yanğınsöndürənlər hadisə yerindədir. Yanğının söndürülməsi istiqamətində iş aparılır.
"Qafqazinfo” xəbər verir ki, yanan villa Baş nazirin müvini Abid Şərifova məxsusdur.
Malayziya ilə Tailandın sərhədində yerləşən bir kənd sel fəlakətinə məruz qalıb. Dəstək mərkəzlərinə qaçan insanların sayı artıq 14 minə çatıb. Türk mətbuatına istinadən verilən məlumatlara əsaslanaraq fotoları təqdim edirik.
